कोसीका सडक आयोजनामा बिलको खेल

विराटनगर। कोसी प्रदेशको पूर्वाधार विकास मन्त्रालयअन्तर्गतका मोरङ र ओखलढुंगाका पूर्वाधार विकास कार्यालयले सडक निर्माण आयोजनामा नियमविपरीत करोडौँ रुपैयाँ भुक्तानी गरेको पाइएको छ।

महालेखापरीक्षकको कार्यालयको आर्थिक वर्ष २०८१/८२ को प्रतिवेदनअनुसार यी दुई कार्यालयले निर्माण व्यवसायीलाई सम्झौतामा नभएको मूल्य समायोजन दिएको, नापजाँचभन्दा बढी काम देखाएको र बिल गणनामा फरक पारेको भेटिएको हो।