डोकोमा घाँस बोकेर सडकमा उत्रिइन् सिम्रन, ‘गौँथली’ को प्रचारमा अपनाइन् फरक शैली

काठमाडौं– नेपाली फिल्मको प्रचार–प्रसारमा नयाँपन ल्याउने प्रयासस्वरूप अभिनेत्री सिम्रन खड्का हालै काठमाडौं उपत्यकाका व्यस्त सडकमा डोकोमा घाँस बोकेर निस्किइन् । आगामी साउन १ गते शुक्रवारदेखि देशभर प्रदर्शनमा आउन लागेको फिल्म ‘गौँथली’ को प्रवर्द्धनका लागि उनले फिल्ममा निर्वाह गरेको पात्रकै पहिरन तथा शैलीमा दर्शकमाझ पुगेर प्रचार अभियान सञ्चालन गरेकी हुन् ।

सिम्रनले काठमाडौंको ऐतिहासिक वसन्तपुर दरबार क्षेत्र तथा ललितपुरको पाटन दरबार स्क्वायरमा पुगेर प्रत्यक्ष रूपमा दर्शकसँग संवाद गरिन् ।