सामाजिक सञ्जालमा फैलिएको ट्राफिक जरिवाना सूची फर्जी, विभागले दियो चेतावनी

काठमाडौं । यातायात व्यवस्था विभागले सामाजिक सञ्जालमा फैलाइएको ट्राफिक जरिवानाको नयाँ दररेट सम्बन्धी पर्चा पूर्ण रूपमा झुटो र भ्रामक भएको स्पष्ट गर्दै त्यसप्रति विश्वास नगर्न सर्वसाधारणलाई आग्रह गरेको छ ।

विभागले जारी गरेको सूचनाअनुसार मोटर यातायात तथा ट्राफिक नियमावली, २०७४ को नाममा प्रसारित जरिवाना सूची कुनै आधिकारिक दस्तावेज नभई नक्कली रूपमा तयार पारिएको सामाग्री हो । उक्त पर्चामा प्रयोग गरिएको विभागको नाम, लोगो तथा अन्य विवरण पनि आधिकारिक नभएको विभागले जनाएको छ ।