शल्यक्रिया गरिएको सुत्केरीको पेटभित्र कपडाको टुक्रा

सङ्खुवासभा । जिल्ला अस्पताल सङ्खुवासभाको लापरबाहीले एक सुत्केरीको पेटभित्र कपडा भेटिएको छ । जेठ १० गते जिल्ला अस्पताल सङ्खुवासभामा शल्यक्रिया गरिएकी खाँदबारी नगरपालिका–७ की सुत्केरी २९ वर्षीया सविता मगरको पेटभित्र कपडाको टुक्रा भेटिएको हो ।

झण्डै दुई सातापछि सुत्केरी मगरको पेटभित्र एक पिस गज भेटिएको हो । मगरको शल्यक्रियाबाट बच्चा निकाल्ने क्रममा अत्याधिक रक्तश्राव भएपछि जेठ ११ थापाथली प्रसुती गृह काठमाडौँ रेफर गरिएको थियो । जिल्ला अस्पतालका चिकित्सकले शल्यक्रिया गर्दा पेटभित्रै गज (कपडा) छोडर सिलाई गरिदिएको पीडित परिवारको गुनासो छ ।