मुख्य सत्ताघटक नेपाली कांग्रेससँग असन्तुष्ट देखिँदा गठबन्धनको भविष्य संकटमा !

स्थानीय तहको निर्वाचनपछि सत्तागठबन्धनमा खटपट शुरु भएको छ । गठबन्धनमा रहेका दलका नेताहरुनै अहिले मुख्य सत्ताघटक नेपाली कांग्रेससँग असन्तुष्ट देखिँदा गठबन्धनको भविष्य संकटमा पर्ने अनुमान शरु भएको छ।

तत्कालीन प्रधानमन्त्री केपी शर्मा ओलीविरुद्ध उभिएका माओवादी केन्द्रका अध्यक्ष पुष्पकमल दाहाल प्रचण्ड पाँच दलीय सत्ता गठबन्धनको सूत्रधार मानिनुहुन्छ । उहाँलाई एमालेबाट छुट्टिएको एकीकृत समाजवादीका अध्यक्ष माधवकुमार नेपालले पनि साथ दिनुभयो । सत्तागठबन्धन बनाउन जनता समाजवादी पार्टी र राष्ट्रिय जनमोर्चा पनि सामेल भयो ।