सरकार र शिक्षकबिच वार्ताको त्यो ७ घण्टा

काठमाडौँ । सरकार र नेपाल शिक्षक महासंघबिच ९ बुँदे सहमति भएको छ । ९ बुँदे सहमति भएसँगै नेपाल शिक्षक महासङ्घले शैक्षिक हड्ताल तथा सडक आन्दोलनका कार्यक्रम फिर्ता लिएको छ ।

यो सहमतिलाई सरकारले ऐतिहासिक भनेको छ भने शिक्षकहरूले आन्दोलनको सेफ ल्यान्डिङ भनेका छन् । यो सहमतिबाट शिक्षकहरू न खुसी देखिएका छन् न त उनीहरूले दुःख नै व्यक्त गर्न सकेका छन् । आन्दोलन जति धेरै लम्बियो त्यति धेरै जोखिम बढ्ने देखिएपछि शिक्षक नेताहरू लचिलो बनेका हुन् ।