ईयूका २७ राष्ट्रभर साना बालबालिकालाई सामाजिक सञ्जालमा प्रतिबन्धको तयारी

ब्रसेल्स । युरोपेली संघ (ईयू)ले समूहका २७ सदस्य राष्ट्रभर साना बालबालिकाको सामाजिक सञ्जालमा पहुँच सीमित गर्ने तयारी गरेको छ ।

अनलाइन जोखिमबाट बालबालिकालाई सुरक्षित राख्ने उद्देश्यसहित यस्तो व्यवस्था लागू गर्न लागिएको युरोपेली आयोगकी अध्यक्ष उर्सुला भोन डर लेयनले सोमबार बताइन् । बालबालिकाको उमेरअनुसार सामाजिक सञ्जाल प्रयोगको व्यवस्था गर्नुपर्ने आवश्यकता स्पष्ट भएको ब्रसेल्समा पत्रकारहरूसँग कुरा गर्दै उनले बताइन् ।