राम मन्दिर चोरी प्रकरणको अभिव्यक्तिले अनुपम खेर विवादमा

बलिउड अभिनेता अनुपम खेर अयोध्यास्थित श्रीराम जन्मभूमि मन्दिरमा भएको चोरी तथा आर्थिक अनियमितताबारे दिएको अभिव्यक्तिका कारण सामाजिक सञ्जालमा आलोचनाको सामना गरिरहेका छन्। इंडिया टुडोलाई दिएको एक अन्तर्वार्तामा उनले मन्दिरमा २ देखि ७ करोड भारतीय रुपैयाँसम्मको भनिएको अनियमिततालाई इतिहासका ठूला घटनासँग तुलना गर्दै सानो कुरा भनेका थिए।

अन्तर्वार्ताका क्रममा अनुपम खेरले यस विषयलाई अनावश्यक रूपमा ठूलो बनाइएको बताए। उनका अनुसार इतिहासमा मुगल शासकहरूले मन्दिरहरू भत्काएको, लुटपाट गरेको र महिलाहरुमाथि अत्याचार गरेको घटनाहरू धेरै गम्भीर थिए। त्यसको अगाडी यी घटना सानो हो उनले उल्लेख गरेका थिए। उनले ती ऐतिहासिक घटनाहरूको तुलनामा अहिलेको चोरीको आरोप निकै सानो विषय भएको टिप्पणी गरेका थिए।