कोशी प्रदेश प्रादेशिक सञ्चार प्रतिष्ठानको अध्यक्षमा दाहाल र रजिस्ट्रारमा भट्टराई नियुक्त

विराटनगर। कोशी प्रादेशिक सञ्चार प्रतिष्ठानको अध्यक्षमा दीपक दाहाल र प्रेस रजिस्ट्रारमा लिलाराज भट्टराई नियुक्त भएका छन्। कोशी प्रदेश मन्त्रिपरिषद्को आज बसेको बैठकले नेपाल पत्रकार महासङ्घ मोरङका पूर्व अध्यक्ष दीपक दाहाललाई अध्यक्षमा नियुक्त गरेको हो।

कोशी प्रदेश आमसञ्चार ऐन २०८२ को दफा ४ बमोजिम उनीहरूलाई नियुक्त गर्ने मन्त्रिपरिषद् बैठकले निर्णय गरेको सरकारका प्रवक्ता तथा आन्तरिक मामिला तथा कानूनमन्त्री इन्द्रमणि पराजुलीले जानकारी दिए। मन्त्रिपरिषद् बैठकले प्रेस रजिस्ट्रारमा लिलाराज भट्टराईलाई नियुक्त गरेको छ। प्रेस रजिस्ट्रार सिफारिस समितिको सिफारिसका आधारमा भट्टराई नियुक्त भएका हुन्।