सञ्चार क्षेत्रका समस्या समाधान गर्न सरकार तयार : मन्त्री तिमिल्सिना

सूचना तथा सञ्चारमन्त्री डा. विक्रम तिमिल्सिनाले डिजिटल मिडिया सञ्चालकहरूको छाता संस्था डिजिटल मिडिया सोसाइटीसँग सञ्चार क्षेत्रको वर्तमान अवस्था, चुनौती र आवश्यक नीतिगत सुधारका विषयमा छलफल गरेका छन्।

सोमबार मन्त्रालयमा भएको छलफलमा मन्त्री तिमिल्सिनाले सञ्चार क्षेत्र बलियो नभएसम्म लोकतन्त्र पनि सुदृढ हुन नसक्ने बताएका छन्। सञ्चार क्षेत्रका विद्यमान समस्याको समाधानका लागि सरकार तयार रहेको उल्लेख गर्दै उनले पत्रकारितालाई थप संस्थागत, विश्वसनीय, व्यावसायिक र सशक्त बनाउन सरकार प्रतिबद्ध रहेको बताए।