स्पेन पहिलोपटक महिला युरो फाइनलमा

काठमाडौँ । स्पेन पहिलो पटक युरो महिला फुटबल प्रतियोगिताको फाइनलमा पुगेको छ। नेपाली समयअनुसार बिहीबार बिहान भएको जर्मनीविरुद्धको सेमिफाइनलमा ऐताना बोनमतीको अतिरिक्त समयको निर्णायक गोलले स्पेनलाई पहिलो पटक फाइनल पुर्‍याएको हो ।

खेलको सुरुवातदेखि नै बलमा राम्रो नियन्त्रण राखेको स्पेनले कप्तान इरेन पारेडेसले पहिलो हाफमा हेडमार्फत गोल गर्ने प्रयास गरिन् तर उनको प्रहार पोष्टमा लागेर फर्कियो। जर्मनीले काउन्टर अट्याकको रणनीति अपनायो र दोस्रो हाफमा क्लारा बुल्लेले केही राम्रा अवसरहरू पनि बनाइन्। अन्तिम मिनेटमा उनको प्रहार स्पेनकी गोलकिपर काता कोलले बचाइन्।