प्रेस काउन्सिल नेपालको अध्यक्षमा उमेश श्रेष्ठ नियुक्त

प्रेस काउन्सिल नेपालको अध्यक्षमा उमेश श्रेष्ठ नियुक्त भएका छन्। मन्त्रिपरिषद्को गत असार २४ गतेको निर्णय अनुसार श्रेष्ठ प्रेस काउन्सिलको अध्यक्षमा नियुक्त भएका हुन्।

नवनियुक्त अध्यक्ष श्रेष्ठले आज सूचना तथा सञ्चारमन्त्री डा. विक्रम तिमिल्सिनाबाट नियुक्तिपत्र ग्रहण गरे। उनले बदलिँदो सञ्चारमाध्यमको स्वरूप अनुसार पुराना कानुन परिमार्जन गर्दै पत्रकारिता क्षेत्रमा ‘स्वनियमन’ को प्रणालीलाई थप सुदृढ बनाउने प्रतिबद्धता व्यक्त गरे।