फोटोनद्वारा पाँच नयाँ शिल्ड सर्भिस पोइन्ट थप्दै टोटल केयर नेटवर्क विस्तार

काठमाडौं । फोटोनले भालुवाङ, बागलुङ, लालबन्दी, चन्द्रपुर (चपुर) र लहानमा पाँच नयाँ आधिकारिक ‘फोटोन टोटल केयर शिल्ड सर्भिस पोइन्ट’ सञ्चालनमा ल्याउँदै नेपालमा आफ्नो बिक्रीपछिको सेवा (आफ्टर सेल्स सर्भिस) नेटवर्कलाई थप सुदृढ बनाएको छ।

यस विस्तारसँगै फोटोनको देशव्यापी बिक्रीपछिको सेवा नेटवर्क २१ भन्दा बढी स्थानमा पुगेको छ। यसबाट देशभरका ग्राहकले भरपर्दो तथा स्थानीय स्तरमै उपलब्ध विद्युतीय सवारीसाधनको मर्मतसंभार र प्राविधिक सहायता थप सहज रूपमा प्राप्त गर्न सक्नेछन्। नयाँ स्थापना गरिएका शिल्ड सर्भिस पोइन्टहरूले सम्बन्धित क्षेत्र तथा आसपासका स्थानमा रहेका फोटोनका ग्राहकलाई छिटो र सुविधाजनक सेवा प्रदान गर्नेछन्।