इयु–अमेरिका व्यापार वार्ता : समाधान खोज्ने प्रयास जारी, आवश्यक परेमा वैकल्पिक कदमको तयारी

युरोपेली संघ (इयु) का प्रमुख व्यापार प्रतिनिधि मारोस सेफ्कोभिकले बुधबार अमेरिकी वाणिज्य सचिव हावार्ड लुटनिकसँग टेलिफोनमार्फत संवाद गर्ने कार्यक्रम तय भएको युरोपेली आयोगले जानकारी दिएको छ । पछिल्लो समय युरोपेली संघ र अमेरिकाबीच व्यापार सम्बन्धमा देखिएको असमझदारी समाधान गर्ने उद्देश्यले हुने यो उच्चस्तरीय संवादलाई निकै संवेदनशील र महत्त्वपूर्ण मानिएको छ ।

यता, अमेरिकी राष्ट्रपति डोनाल्ड ट्रम्पले यदि (अगस्ट १) भित्र कुनै व्यापार सम्झौता हुन नसकेमा युरोपेली संघका वस्तुहरूमा ३० प्रतिशतसम्म भन्सार शुल्क लगाउने सम्भावना रहेको संकेत गरेका छन् । यस्तो अवस्थामा युरोपेली संघले पनि आफ्ना आर्थिक हितलाई सुरक्षित राख्न सक्ने विकल्पहरूको तयारी गरिरहेको छ ।