युरोप क्षेत्रीय सम्मेलन सफल बनाउन एनआरएनए युरोप सक्रिय

काठमाडाैँ । गैरआवासीय नेपाली संघ (एनआरएनए) अन्तर्राष्ट्रिय समन्वय परिषद् (आईसीसी) को आगामी ११५औँ बैठकको तयारी तथा युरोप क्षेत्रीय सम्मेलनलाई केन्द्रमा राखेर युरोप क्षेत्रीय भर्चुअल बैठक सम्पन्न भएको छ।

बैठकमा विशेषगरी आगामी १७औँ एनआरएनए युरोप क्षेत्रीय सम्मेलन २०२६ लाई सफल बनाउने विषय मुख्य प्राथमिकतामा रहेको थियो। युरोप क्षेत्रीय समितिद्वारा आयोजित बैठकमा आईसीसी पदाधिकारीहरू, विभिन्न राष्ट्रिय समन्वय परिषद् (एनसीसी) का अध्यक्ष तथा महासचिवहरूको उल्लेखनीय सहभागिता रहेको थियो।