एकीकृत बस्ती विकास कार्यक्रमले माटोका छाना हटे

सिमकोट – खार्पुनाथ गाउँपालिका– ४ को छिप्रा वस्तीमा माटोका छाना विस्थापित हुने कार्य भएको छ। एकीकृत बस्ती विकास कार्यक्रमले माटोका छाना विस्थापित गर्न न्यून आयश्रोत भएका घरधुरीको जस्तापाता छाएको घर निर्माण गरेपछि उक्त गाउँको स्वरुप नै फेरिएको हो।

गाउँका एकीकृत बस्ती विकास कार्यक्रमबाट नयाँ घर निर्माण गर्नुभएका जगत सिंहले जस्तापाता छाएको घर आफूले कहिल्यै निर्माण गर्न सक्ने अवस्था नरहेको भन्दै गाउँगाउँमा सरकार पुुग्दा नयाँ जस्तापाता छाएको घर निर्माण सम्भव भएको बताए।