नयाँ वर्ष २०८१ सबैका लागि मङ्गलमय होस् !

बितेको वर्ष विक्रम संवत् २०८० साल नेपालीका लागि खासै उत्साहप्रद रहेन । देशभित्र आर्थिक, सामाजिक, राजनीतिक कुनै क्षेत्रमा पनि सन्तोष गर्न सकिने उपलब्धि भएन ।

इजरायलमा भएको हमासको आक्रमणमा बन्धन बनाइएका नेपाली युवा अहिलेसम्म बेपत्ता नै छन् । यस्तै, अवैधरूपमा रुस पुर्‍याएर ललाइफकाइ सेनामा भर्ती गरी युक्रेनमाथि हमला गर्न पठाइएका नेपाली युवाका सम्बन्धमा पनि रुसले देखाएको उपेक्षा पनि नेपालका लागि चिन्ताको विषय बनिरह्यो ।