फ्लप 'आदिपुरुष'ले न हिन्दुत्व जोगाउन सक्यो, न त हनुमान!

काठमाडौं- रामायणमा आधारित बताइएको फिल्म ‘आदिपुरुष’ देखाइने हरेक हलमा एक सिट हनुमानका लागि आरक्षित गरिएको थियो। अहिलेसम्म त्यस्तो कुनै खबर आइपुगेको छैन, जुन सिटमा हनुमान बस्नका लागि आएका हुन्। तर आमदर्शक भने निश्चित रुपमा थिएटरबाट दूर नै रहे। हरेक दृष्टिबाट भव्य भनिएको फिल्म फ्लप भयो।

‘आदिपुरुष’ ती फिल्ममध्ये एक हो, जसको उद्देश्य हिन्दुत्वको न्यारिटिभमा फिट हुनु थियो। यस्ता खालका फिल्ममा भगवा झन्डा, 'देशका दुश्मन' आह्वान आदि जस्‍ता विशेषता आम हुन्। चाहे समसामयिक कहानी (द कश्मिर फाइल्स) देखाइयोस् वा ऐतिहासिक (सम्राट पृथ्वीराज, तान्हाजी)। यिनीहरुमा केही समान विशेषता छन्- हिन्दुलाई पीडित देखाउने वा उनीहरुको महिमामन्डन गर्न तथ्यलाई तोमरोड गरेर पेस गर्नु। सबै मुसलमानलाई खलनायकका रुपमा देखाउनु। इतिहासमाथि छेडछाड यो मिश्रणको हिस्सा हो।