आईपीएलः रोमाञ्चक खेलमा बेंगलोरलाई पराजित गर्दै हैदरावाद क्वालिफायर २ मा

काठमाडौं। रोयल च्यालेन्जर्स बेंगलोर इलिमिनेटरमा सन राइजर्स हैदरावादसँग पराजित हुँदै आईपीएलको जारी सिजनको उपाधि दौडबाट बाहिरिएको छ। रोमाञ्चक खेलमा हैदरावादले बेंगलोरलाई ६ विकेटले पराजित गर्यो।

पहिला ब्याटिंग गरेको बेंगलोरले ७ विकेटमा १३१ रन बनाएको थियो। जवाफी ब्याटिंग गरेको हैदरावादले १९ ओभर ४ बलमा ४ विकेट गुमाएर लक्ष्य प्राप्त गर्यो। हैदरावादको जितमा केन विलियम्सले नटआउट ५० रनको योगदान दिए भने जेसन होल्डरले अन्तिम ओभरमा लगातार दुई चौका प्रहार गर्दै जित दिलाए।