रुकुम पश्चिममा आगलागीमा परेर बृद्धाको मृत्यु

रुकुम पश्चिम- रुकुम पश्चिममा आगलागीमा परेर ७१ वर्षीया बृद्धाको मृत्यु भएको छ । आइतबार दिउँसो बाँफिकोट गाउँपालिका-३, को भत्नीगारे सामुदायिक वनमा लागेको आगो गाउँमा पस्दा स्थानीय बुदी कामीको मृत्यु भएको हो ।

जिल्ला प्रहरी कार्यालयका अनुसार मृतक कामीको दुई तले खरले छाएको माटोको कच्ची घरमा आगो पस्दा उनको घटनास्थलमै मृत्यु भएको छ । आगलागीमा परेर मृत्यु भएकी बृद्धको शरीर जलेको अवस्थामा प्रहरी र स्थानीयले घर बाहिर निकालेका थिए ।