वास्तविक किसानले सुविधा नपाएको गुनासो

दैलेख । नारायण नगरपालिका दैलेखका उप–प्रमुख तप्ता थापाले सरकारी अनुदान बाँड्दा वास्तविक किसानलाई दिनुपर्ने बताएकी छन् ।नारायण नगरपालिका दैलेखले आयोजनमा, फियान् नेपालको सहजिकरण गरिएको किसान परिचय पत्र संवाद कार्यक्रममा उनले किसानलाई प्रोत्साहन गर्न सके उत्पादनमा वृद्धि हुनसक्ने जानकारी बताइन् ।

उनले किसानहरुले राज्यबाट पाउनुपर्ने सुविधा पाउन नसकेको गुनासो गर्दै बाँझो जग्गालाई ब्यबस्थापन गरि नगरपालिकाले उत्पादनमा जोड दिएको बताईन् । वास्तविक किसानलाई परिचयपत्र वितरण गरेर नगरपालिकाले किसानलाई प्रोत्साहन गर्न कृषक लक्षित कार्यक्रममा ल्याउने जानकारी दिईन्।उनले नगरपालिकाले किसान परिचयको लागि काम अगाडि बढेकाले वास्तविक किसान भुईतहमा र बारीमै सिमित भएको उनले गुनासो गरिन् ।