आर्यभट्टको शून्यदेखि जिरोसम्म

टेक्सासमा एक विश्वविद्यालयमा सँगै पढ्दा मेरा एक मित्र कपिल अधिकारीले धेरै पहिले भन्नुहुन्थ्यो, ‘अक्सर थोरै मानिस मात्र आफ्ना आधारभूत आवश्यकता पूर्ति गर्न पैसा कमाउँछन्, धेरै मानिस कमाउनका लागि कमाउँछन्।’

उहाँले भने जस्तै पैसा कमाउनका लागि कमाउने हो भने त अन्त्यहीन सिलसिला बन्न पुग्छ र अन्ततोगत्वा मानिस उक्त प्रक्रियाको दास हुन्छ। केका लागि र किन पैसा कमाउने भन्ने ख्याल गरिएन भने कमाउने ध्याउन्नमा मात्र जीवनलीला समाप्त हुन्छ।