किराँत वाम्बुले राईले उपत्यकामा पहिलो पटक मनाए ढ्वाङ्कुमो चाड

काठमाडौं : किराँत वाम्बुले राईले ढ्वाङ्कुमो चाड मनाएका छन्। बिहिबार वाम्बुले राई समाज, नेपाल (वाम्रास)को आयोजनामा उनीहरुले किराँत धार्मिक वन, सानो हात्तीवनमा लिब्जु पूजा गर्दै ढ्वाङ्कुमो मनाएका हुन्।

वाम्बुले राईहरुले उक्त चाडका अवसरमा आज भेटघाट तथा शुभकामना आदानप्रदान गरी वाम्बुले भेषभूषामा सांस्कृतिक नाच, परम्परागत संगीना चाम्दो (नाचगान)समेत प्रदर्शन गरेका थिए। कार्यक्रममा संस्कृति, पर्यटन तथा नागरिक उड्‍डयनमन्त्री सुदन किराँतीले वाम्बुले राईहरुले एतिहासिक चाडपर्वहरुको संरक्षण गर्दै आएकामा खुसी व्यक्त गरे। उनले भने,‘वाम्बुले राईहरु मात्र गाउँबाट शहरमा सरेनन्,संस्कृति पनि सारेछन्, शहरमा पनि संरक्षण गरिरहेछन्, हामी साँच्चै प्रकृतिको पूजक हौँ, प्रकृतिप्रेमी हौँ।’