एमाले खोटाङको अध्यक्षमा देवबिक्रम राई निर्वाचित

खोटाङ । नेकपा एमाले खोटाङको अध्यक्षमा देवबिक्रम राई विजयी भएका छन् । आठौं जिल्ला अधिबेसन अन्तरगत शुक्रबार भएको निर्वाचनमा अध्यक्षका प्रत्यासी रामप्रसाद दंगाललाई पछि पार्दै राई एमालेको अध्यक्षमा निर्वाचित भएका हुन् ।

राईले ३३९ मत ल्याउँदा दंगालले १८७ मत ल्याएका थिए । पराजित दंगाल वर्तमान अध्यक्ष तथा विजयी राई वर्तमान उपाध्यक्ष थिए । राई दिक्तेल रुपाकोट मझुवागढी नगरपालिका–१४ बुईपाका हुन् । यस्तै, उपाध्यक्षमा कुमारप्रसाद आचार्य निर्वाचित भएका छन् । आचार्यले ३५८ मत पाउँदा अर्का प्रत्यासी उपिनकुमार राईले १३४ मत पाएका छन् । सचिवमा सुरेन्द्रकुमार राई निर्विरोध निर्वाचित भएका छन् ।