पाकिस्तानले टेस्ट र टी २० कप्तान मसुद र अफ्रिदीलाई बनायो

पाकिस्तान क्रिकेट टोली विश्वकपको लिग चरणबाट बाहिरिएपछि टोलीका कप्तान बाबर आजमको नेतृत्वको कडा आलोचना भएको थियो। बाबर आजमले आफ्नो देश पुगेसँगै क्रिकेटका सबै फर्म्याटको कप्तानीबाट राजीनामा दिएका छन् । बाबर आजमले सामाजिक सञ्जालमा पोस्ट सेयर गर्दै यो चकित पार्ने निर्णय लिएका हुन् । बाबर आजमले पदबाट राजीनामा दिएपछि पाकिस्तान क्रिकेट बोर्डले दुई नयाँ खेलाडीलाई टी–२० र टेस्ट फर्म्याटका लागि कप्तानको जिम्मेवारी दिएको छ ।

शान मसूदलाई टेस्ट फर्म्याटमा पाकिस्तानी टोलीको कप्तान बनाइएको छ भने टी–२० अन्तर्राष्ट्रियमा शाहिन शाह अफ्रिदीलाई यो जिम्मेवारी दिइएको छ । एकदिवसीय ढाँचाका बारेमा अहिलेसम्म कुनै निर्णय भइसकेको छैन, तर शाहिन शाह अफ्रिदीको टी–२० प्रदर्शनलाई हेरेर उनलाई एकदिवसीय ढाँचाको कप्तान पनि बनाउन सकिन्छ ।