ट्रम्पको आदेश : मेराे हत्या प्रयास गरे इरानमाथि अहिलेसम्मकै शक्तिशाली आक्रमण गर्नू

अमेरिकी राष्ट्रपति डोनाल्ड ट्रम्पले आफूमाथि इरानले हत्या वा हत्या प्रयास गरे त्यसको जवाफमा अमेरिकी सेनाले इरानमाथि अहिलेसम्मकै शक्तिशाली सैन्य आक्रमण गर्ने बताएका छन्।

तर अमेरिकी संविधान, कानुन र सैन्य प्रणालीअनुसार राष्ट्रपतिको मृत्युपछि स्वतः सक्रिय हुने कुनै पूर्वस्वीकृत प्रतिशोध प्रणाली नरहेको भन्दै सुरक्षा तथा संवैधानिक विज्ञहरू ट्रम्पको भनाइ व्यवहारमा त्यति सरल नभएको बताउँछन्।