गोलकिपर विशाल राखेप उपाध्यक्ष नियुक्त

२७ जेठ, काठमाडौं । नेपाली राष्ट्रिय टिमका पूर्व गोलकिपर विशाल श्रेष्ठ राष्ट्रिय खेलकुद परिषदको उपाध्यक्ष नियुक्त भएका छन् ।

शिक्षा तथा खेलकुद मन्त्री सस्मित पोखरेलले मन्त्रिपरिषदको निर्णय अनुसार बुधबार श्रेष्ठलाई राखेपको उपाध्यक्ष नियुक्त गरेको राखेप सदस्य सचिव राम चरित्र मेहताले जानकारी दिए ।

यस्तै राखेपमा चार नयाँ सदस्य समेत नियुक्त भएको छ । जसमा सिक्का सुवाल श्रेष्ठ, शक्ति गौचन, पवन शाही र मोनालिसा खम्बु छन् ।