हार्दिक पाण्डेयले चोटका कारण अफगानिस्तानविरुद्धको एकदिवसीय शृंखला गुमाउने

भारतका स्टार अलराउन्डर हार्दिक पाण्डेय अफगानिस्तानविरुद्ध हुने एकदिवसीय अन्तर्राष्ट्रिय (ओडीआई) शृंखलाबाट बाहिरिने सम्भावना रहेको छ। प्रशिक्षणका क्रममा खुट्टामा चोट लागेपछि उनी शृंखला खेल्न नसक्ने अवस्थामा पुगेका हुन्।

भारतीय क्रिकेट नियन्त्रण बोर्ड (बीसीसीआई) को बेंगलुरुस्थित सेन्टर अफ एक्सिलेन्समा प्रशिक्षण गरिरहेका बेला हार्दिकको खुट्टाको मांसपेशीमा समस्या देखिएको भारतीय सञ्चारमाध्यमहरूले जनाएका छन्।