भिनिसियसको निर्णायक गोलमा रियल मड्रिड विजयी

काठमाडौँ । स्पेनिस ला लिगा अन्तर्गत आइतबार भएको खेलमा रियल मड्रिडले सेभियालाई १–० गोल अन्तरले पराजित गर्दै महत्वपूर्ण जित हासिल गरेको छ । सेभियाको घरेलु मैदानमा भएको संघर्षपूर्ण खेलमा भिनिसियस जुनियरको एकमात्र गोल नै रियल मड्रिडको जितका लागि पर्याप्त बन्यो ।

खेलको १४ औं मिनेटमा नै भिनिसियस जुनियरले गोल गर्दै भ्रमणकारी टोली रियल मड्रिडलाई सुरुवाती अग्रता दिलाएका थिए । पहिलो हाफमा बनाएको त्यही अग्रतालाई रियल मड्रिडले खेलको अन्त्यसम्म जोगाउन सफल भयो ।

दोस्रो हाफमा घरेलु टोली सेभियाले खेलमा फर्कन केही प्रयास गरेपनि रियल मड्रिडको बलियो रक्षापंक्ति तोड्न सकेन । अन्ततः खेल रियल मड्रिडको पक्षमा १–० ले सकियो । यो जितसँगै रियल मड्रिडले लिग तालिकामा महत्वपूर्ण तीन अंक जोडेको छ ।