रसुवा काँग्रेसमा क्रियाशील सदस्यता विवाद फेरि बल्झियो, छानबिन समितिले नै विवाद बढाएको आरोप

काठमाडौँ। नेपाली काँग्रेसको छानबिन समितिले नै फाराम नभरेका व्यक्तिलाई पनि क्रियाशील सदस्यता सदर गरिदिएको भन्दै हिमाली जिल्ला रसुवामा विवाद उत्पन्न भएको छ ।

नेपाली काँग्रेसको क्रियाशील सदस्यता फाराम नभरेकालाई क्रियाशील सदस्यता प्रदान गरेपछि विवाद बढेको हो । नेपाली काँग्रेसको १४औँ महाधिवेशनका लागि वितरण गरिएको क्रियाशील सदस्यतामा फाराम नभरेका एक सयभन्दा बढी व्यक्तिलाई छानबिन समितिले नै सिधै क्रियाशील सदस्यता दिएको यहाँका काँग्रेस कार्यकर्ताले बताएका छन् ।