मलेसियामा अलपत्र बाजुराका मकिन्द्रलाई नेपाल फर्काउने तयारी 

नेपाली दूतावासले बनाइदियो ट्राभल डकुमेन्ट

मलेसिया क्वालालम्पुरस्थित कोतरायामा अलपत्र अवस्थामा भेटिएका बाजुराका मकिन्द्र शाहीलाई नेपाल फर्काउने तयारी गरिएको छ । मलेसियास्थित नेपाली दूतावासले नेपाल फर्काउन प्रक्रिया अगाडि बढाएको बताएको छ । उनलाई अहिले सुधारगृहमा राखिएको मलेसियाका लागि नेपाली राजदूत डिल्लीराज पौडेलले जानकारी दिए । उनले भने, ‘सुधारगृहमा कम्तीमा पनि दुई साता राख्नुपर्नेछ । आवश्यक परेमा अझै समय थप हुनेछ ।’