विश्व कप क्रिकेटमा दक्षिण अफ्रिकाले न्युजिल्यान्डलाई १ सय ९० रनको फराकिलो अन्तरले हरायो

काठमाण्डाै - आईसीसी एकदिवसीय विश्व कप क्रिकेटमा दक्षिण अफ्रिकाले न्युजिल्यान्डलाई फराकिलो अन्तरले हराएको छ । हिजो भएको खेलमा दक्षिण अफ्रिका १ सय ९० रनले विजयी भयो । जितसँगै दक्षिण अफ्रिकाको ७ खेलमा १२ अङ्क भएको छ ।

दक्षिण अफ्रिका शीर्ष स्थानमा छ । न्युजिल्यान्ड समान खेलमा ८ अङ्ककासाथ चौथो स्थानमा छ । जितका लागि ३ सय ५८ रनको लक्ष्य पछ्याएको न्युजिल्यान्ड ३५ ओभर ३ बलमा १ सय ६७ रनमा अलआउट भयो । उसका ग्लेन फिलिप्सले सर्वाधिक ६० रन बनाए ।