एल क्लासिको : पाँच गोलको थ्रिलरमा रियल विजयी

मड्रिड । जुड बेलिङह्यामको इन्जुरी समयको गोलको मद्दतले रियल मड्रिडले एल क्लासिकोमा चिर प्रतिद्वन्द्वी बार्सिलोनालाई पराजित गरेको छ । आइतबार राति भएको पाँच गोलको थ्रिलरमा रियल ३–२ गोलले विजयी बन्यो ।

खेलमा अग्रता भने बार्सिलोनाले लिएको थियो । आन्द्रेस क्रिस्टिएनसनले खेलको छैटौँ मिनेटमा नै पाहुना टोलीलाई अग्रता दिलाए । तर, भिनिसियस जुनियरले पेनाल्टीबाट गोल फर्काएपछि पहिलो हाफमा १–१ को बराबरीमा सकिएको थियो ।