हुस्सु र कुहिरोले ढाक्यो तराई-मधेश

हाल नेपालमा पश्चिमी वायुको आंशिक प्रभाव रहेको छ। जसको प्रभावस्वरुप यतिबेला कोशी, बागमती र गण्डकी प्रदेशका पहाडी भूभागमा आंशिक बदलीको अवस्था रहेको मौसम पूर्वानुमान महाशाखाले जनाएको छ।

तराई मधेशका अधिकांश स्थानमा यतिबेला हुस्सु र कुहिरो लागिरहेको छ। तराईका जिल्लामा विगत तीन चार दिनदेखि नै हुस्सु र कुहिरो लागिरहेको छ। राम्ररी घाम नलाग्दा तराई मधेशका जिल्लामा चिसो बढेको छ।