पिकनिक गएका १२ विद्यार्थी र दुई शिक्षकको मृत्यु

भारतको गुजरातमा डुंगा डुब्दा १४ जनाको मृत्यु भएको छ। पिकनिक गएका शिक्षक र विद्यार्थीहरू सवार डुंगा गुजरातको वडोदरास्थित हरनी तालमा दुर्घटनामा परेको हो। मृतकमध्ये १२ जना विद्यार्थी र दुईजना शिक्षक हुन्।

भारतीय सञ्चारमाध्यमका अनुसार करिब दुई दर्जन विद्यार्थी र चारजना शिक्षक पिकनिक गएका थिए। उद्धार गरिएका एकजना विद्यार्थीको उपचार भइरहेको छ।