अध्ययन बिदा दुरुपयोग गर्ने ६२ जना प्राध्यापक कर्मचारीले १३ करोड रकम फिर्ता गरे

काठमाडौं । त्रिभुवन विश्वविद्यालयबाट अध्ययन बिदा दुरुपयोग गरेर नफर्केका प्राध्यापकहरूले रकम फिर्ता गर्न चासो देखाएका छैनन्। त्रिविले दुई पटकसम्म अध्ययन बिदा उपभोग गरेपश्चात् नियमअनुसार सेवामा नफर्केका प्राध्यापक, कर्मचारीलाई सम्पर्कमा आउन सूचित गरेको थियो।

एक वर्षको अवधिमा ६२ जना मात्रै सम्पर्कमा आएर रकम फिर्ता गरेका छन्। अध्ययन बिदा सुव्यवस्थापन कार्यान्वयन समितिका प्रमुख सहप्राध्यापक जीवन काफ्लेले उनीहरूबाट १३ करोड ४८ लाख रुपैयाँ असुलउपर गरिएको जनाए।