सोनीको अलराउन्ड प्रदर्शनले नेपालको जित, समूह विजेता बन्दै क्वार्टरफाइनलमा

काठमाडौँ – एसीसी महिला यू-१९ प्रिमियर कपमा नेपाल लगातार तेस्रो जित निकाल्दै क्वाटरफाइनलमा प्रवेश गरेको छ।

मलेसियाको क्वालालम्पुरस्थित बायुमास क्रिकेट ओभलमा आज भएको तेस्रो खेलमा नेपालले हङकङमाथि १८१ रनको ऐतिहासिक र फराकिलो जित दर्ता गरेको हो। कप्तान सोनी पाख्रिनको सानदार ९० रन र जादुमयी ४ विकेटको मद्दतले नेपालले हङकङलाई पूर्ण रूपमा दबाबमा राख्दै एकपक्षीय जित निकालेको हो।