अपराधीहरूलाई न्यायको कठघरामा ल्याइन्छ : बङ्गलादेशी प्रधानमन्त्री

ढाका । बङ्गलादेशी प्रधानमन्त्री शेख हसिनाले निजामती सेवा भर्ती नियमको विरोधमा भएको विद्यार्थी आन्दोलनमा ६ जनाको हत्याका लागि जिम्मेवार व्यक्तिहरूलाई सजाय दिने वाचा गरेकी छन् । प्रहरीले अन्त्येष्टि समारोहलाई तितरबितर गरेको केही घण्टापछि उनले सो वाचा गरेकी हुन् ।

प्रतिद्वन्द्वी विद्यार्थी समूहहरूले एक आपसमा इँटा र बाँसको लट्ठीले आक्रमण गर्दा मङ्गलवार मुलुकभर भएका झडपहरूमा ६ जनाको मृत्यु भएको थियो । साथै प्रहरीले अश्रु ग्यास र रबरको गोली प्रहार गरी जुलुसलाई तितरबितर गरेको थियो ।