हालान्डलाई पास नदिएका सोर्लोथमाथि सामाजिक सञ्जालमा तीव्र दुर्व्यवहार र ज्यान मार्ने धम्की!

फिफा विश्वकप २०२६ को क्वार्टरफाइनल खेलमा इङ्गल्यान्डविरुद्ध पराजित भएपछि नर्वेका स्ट्राइकर अलेक्जेन्डर सोर्लोथ सामाजिक सञ्जालमा तीव्र साइबर दुर्व्यवहारको सिकार भएका छन्। खेलको एक महत्त्वपूर्ण क्षणमा आफ्ना साथी खेलाडी तथा स्टार स्ट्राइकर अर्लिङ हालान्ड लाई पास नदिई आफैं गोल गर्ने प्रयास गरेको भन्दै आक्रोशित फुटबल समर्थकहरूले सोर्लोथमाथि खनिएका हुन्। नर्वे उक्त खेलमा २-१ ले पराजित हुँदै विश्वकपबाट बाहिरिएपछि सामाजिक सञ्जालमा सोर्लोथविरुद्धको आक्रोश झनै बढेको हो।

दुर्व्यवहार यति गम्भीर मोडमा पुगेको छ कि सोर्लोथ र उनकी पार्टनर लेना सेल्नेसलाई सामाजिक सञ्जालमा ज्यान मा’र्ने धम्की समेत दिइएको छ। सेल्नेसले आफ्नो इन्स्टाग्राम अकाउन्टमार्फत केही स्क्रिनसटहरू सार्वजनिक गरेकी छिन्, जसमा सोर्लोथलाई आ’त्मह’त्या गर्न उक्साउने र परिवारलाई नै हानि पुर्‍याउने खालका डरलाग्दा सन्देशहरू पठाइएका छन्। खेलमा पराजित हुनुको सम्पूर्ण दोष सोर्लोथमाथि थुपार्दै उनका पोस्टहरूमा हजारौँ घृणास्पद टिप्पणीहरू गरिएका छन्।