मुलुक बचाउन सबै दल एकजुट बनौँ, संसद्ले निराशा होइन समाधान बाँडोस्: अमरेशकुमार सिंह

काठमाडौँ । सत्तारुढ राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले मुलुकमा विद्यमान संकट समाधानका लागि सबै राजनीतिक दलहरूलाई एकजुट बनाउने काममा लाग्न सरकार र सभामुखको ध्यानाकर्षण गराएका छन्। मङ्गलबार बसेका प्रतिनिधि सभा बैठकमा बोल्दै सांसद सिंहले देश गम्भीर संकटमा रहेकाले दलगत स्वार्थभन्दा माथि उठेर साझा राष्ट्रिय मुद्दा तय गर्नुपर्ने बेला आएको बताए।

सांसद सिंहले राजनीतिक दलहरूबीचको आपसी घोचपेच र संसद्‍भित्र गरिने निषेधको राजनीतिले नागरिकमा चरम निराशा पैदा गरेको उल्लेख गरे। संसद्‍बाटै 'यो देशमा केही हुन्न, बाँच्न सकिन्न' भन्ने नकारात्मक भाष्य निर्माण नगर्न प्रार्थना गर्दै उनले संसद्‍ले निराशा होइन, आशा र समाधान बाँड्नुपर्नेमा जोड दिए।