कान्तिपुरको गेटमा छाडिएको शङ्कास्पद गाडी एमाले मेयरका छोरा एवं रास्वपा नेताको भएको पुष्टि

काठमाडौंको तीनकुनेस्थित कान्तिपुर पब्लिकेशनको मूलगेट अगाडि सोमबार बिहान शंकास्पद रूपमा छाडिएको स्कारपियो गाडी राष्ट्रिय स्वतन्त्र पार्टी (रास्वपा)का नेता रवि जयसवालले प्रयोग गर्ने सवारी रहेको खुलेको छ। रवि जयसवाल नेकपा (एमाले)बाट निर्वाचित रौतहटको **गरुडा नगरपालिकाका मेयर कन्थमणि प्रसाद कलवार (जयसवाल)**का छोरा हुन्।

सोमबार बिहान करिब ७ बजे मास्क र कालो चस्मा लगाएका एक व्यक्तिले बा प्रदेश ०१–०३४ च ८४८० नम्बरको स्कारपियो गाडी कान्तिपुरको मुख्य गेट नै अवरुद्ध हुने गरी पार्क गरेर त्यहाँबाट हिँडेका थिए। घटनाका कारण करिब पाँच घण्टासम्म सञ्चारगृहको आवतजावत प्रभावित भएको थियो भने पत्रकारहरूलाई रिपोर्टिङमा जानसमेत कठिनाइ भएको थियो।