नागरिकको पीडा र मृत्युमा राजनीतिक लेप नलगाऔँ: समीक्षा बास्कोटा

काठमाडौँ। राष्ट्रिय स्वतन्त्र पार्टी (रास्वपा) की सांसद समीक्षा बास्कोटाले नागरिकको पीडा र मृत्युका दुःखद घटनाहरूलाई राजनीतिक आरोप–प्रत्यारोपको सस्तो विषय मात्र नबनाउन सबै दलहरूसमक्ष आग्रह गरेकी छन्। मंगलबार बसेको प्रतिनिधि सभा बैठकको विशेष समयमा बोल्दै सांसद बास्कोटाले पछिल्लो समय देशका विभिन्न स्थानमा ज्यान गुमाउने नागरिकप्रति श्रद्धाञ्जली व्यक्त गर्दै लोकतन्त्रलाई सत्ता पक्ष र प्रतिपक्षबीचको प्रतिस्पर्धामा मात्र सीमित गर्न नहुने बताइन्।

संसद् आउँदै गर्दा एक पीडित आमाले आफूलाई दिएको चिरकटो (कागजको टुक्रा) को भावना सदनमा सुनाउँदै उनले भनिन्, “तन जलेको कुरा मात्र हुन्छन्, मन जलेका कुरा कहाँ भयो र खोई? तन पछि मात्र जलेको हो हजुर, पहिला जल्ने त मन नै हुन्छ।”