नेकपा एकीकृत समाजवादीको हाइ कमान्ड गठन, मन्त्री बनाउनेको नाम अनिर्णीत

काठमाडौँ। नेकपा एकीकृत समाजवादी पार्टीले सरकारमा जाने निर्णय गरेको छ। प्रधानमन्त्री शेरबहादुर देउवाले सरकार विस्तारका ताकेता गरिरहेको बेला सो पार्टीले सरकारमा जाने निर्णय गरेको हो । सरकारमा सो पार्टीलाई ६ देखि ७ मन्त्रालय दिने तयारी भएको छ।

सरकारमा नेपाली काँग्रेसपछि दोस्रो प्राथमिकताका साथ सहभागी गराइने बताइए पनि मन्त्रालय भने अझै तय भएको छैन । सो पार्टीलाई सञ्चार मन्त्रालय दिएर सन्तुलन मिलाउने तयारी भएको छ । माधव नेपाल नेतृत्वको पार्टीले सञ्चार मन्त्रालय पाए त्यसमा विरोध खतिवडालाई पठाउने तयारी रहेको स्रोतको दाबी छ । तर सञ्चारमा काँग्रेस आफैले पनि दाबी गरिरहेको छ ।