कहाँ चुके हाम्रा विश्वविद्यालय ?

हाम्रो देशमा अहिले दर्जनको संख्यामा विश्वविद्यालय सञ्चालनमा छन् । यीमध्ये देशको जेठो विश्वविद्यालय हो त्रिभुवन विश्वविद्यालय (त्रिवि) । देशमा त्रिविअन्तर्गत सयौंको संख्यामा आंगीक कलेज छन् । त्रिविको इतिहासले मुलुकका विभिन्न क्षेत्रमा आवश्यक दक्ष जनशक्ति उत्पादन गर्दै आइरहेको पुष्टि गर्छ । देशका राजनीतिज्ञ, प्रशासक, लेखक, बुद्धिजीवी, पत्रकार, डाक्टर, इन्जिनियर, वकिल, शिक्षक, प्राध्यापक अनुसन्धानकर्तालगायतका विभिन्न क्षेत्रका दक्ष जनशक्ति उत्पादनमा त्रिविको ठूलो योगदान रहेको छ । आफूले पनि यस विश्वविद्यालयबाट उच्चशिक्षाका साथै शिक्षाचार्य वारिधि एवं विद्यावारिधि गरेकाले यसको नाम सुन्दा र लोगो देख्दा श्रद्धाले शिर निहुरिन्छ ।

२०१६ सालमा स्थिापित यो विश्वविद्यालयले देशमा मात्र नभएर अन्तर्राष्ट्रिय जगत्मा पनि देशको शिर ठाडो पार्न सफल भएको छ । तर, आजको दिनमा आइपग्दा त्रिभुवन विश्वविद्यालयको शाख घटेको छ । शैक्षिक गुणस्तरसम्बन्धी थुपै प्रश्न उठ्ने गरेका छन् ।