बढ्यो निक्षेप, ऋण प्रवाह सुस्त

काठमाडौँ- चालु आर्थिक वर्षको पहिलो ११ महिनामा बैंक तथा वित्तीय संस्थाहरूको निजी क्षेत्रतर्फको कर्जा विस्तार सुस्त देखिएको छ। निक्षेप भने १०.३ प्रतिशतले वृद्धि भएको नेपाल राष्ट्र बैंकले सार्वजनिक गरेको ‘चालु समष्टिगत आर्थिक तथा वित्तीय स्थिति प्रतिवेदन’ ले देखाएको छ।

चालु आर्थिक वर्षको पहिलो ११ महिनामा बैंक तथा वित्तीय संस्थाबाट निजी क्षेत्रमा प्रवाहित कर्जा ६.२ प्रतिशत अर्थात् तीन खर्ब ४० अर्ब ५७ करोड रुपैयाँले बढेर ५८ खर्ब ३८ अर्ब २७ करोड रुपैयाँ पुगेको छ। अघिल्लो आर्थिक वर्षको सोही अवधिमा निजी क्षेत्रतर्फको कर्जा आठ प्रतिशत अर्थात् चार खर्ब सात अर्ब ६२ करोड रुपैयाँले बढेको थियो।