एसईईमा जफत गरिएका मोबाइल नष्ट गरिएको घटनामा सर्वोच्चले माग्याे जवाफ

सिरहामा एसईई परीक्षाका क्रममा विद्यार्थीबाट जफत गरिएका मोबाइल फोन नष्ट गरिएको घटनाबारे सर्वोच्च अदालतले सम्बन्धित सरकारी निकायसँग लिखित जवाफ माग गरेको छ ।

न्यायाधीश श्रीकान्त पौडेलको इजलासले उक्त निर्णयमा संलग्न निकायहरूलाई १५ दिनभित्र महान्यायाधिवक्ता कार्यालयमार्फत लिखित जवाफ पेस गर्न आदेश दिएको छ । साथै, रिट निवेदनको अन्तिम टुंगो नलागेसम्म परीक्षा केन्द्रबाट जफत गरिएका मोबाइल फोन तथा तिनमा रहेका डेटा नष्ट नगर्न वा नगराउन अन्तरिम आदेशसमेत जारी गरिएको छ ।