एमाले प्रमुख सचेतक ऐन महरलाई ‘ज्यान मार्ने धम्की’

काठमाडौं । नेकपा (एमाले)का प्रमुख सचेतक ऐनबहादुर महरले आफूलाई निरन्तर ज्यान मार्ने धम्की आइरहेको भन्दै संसद्को ध्यानाकर्षण गराएका छन् । मंगलबार (असार ३०) बसेको प्रतिनिधिसभा बैठकमा विशेष समय लिएर बोल्दै उनले सामाजिक सञ्जाल र फोनमार्फत आफूलाई गोली हान्ने धम्की आएको जानकारी गराएका हुन् ।

उनले जनताको प्रतिनिधि हुनुको नाताले सरकारको गुण र दोषका आधारमा आलोचना गर्दा आफूलाई निसाना बनाइएको बताए । आफूलाई धम्की दिने व्यक्तिको विवरण समेत उनले सदनमा सार्वजनिक गरेका छन् ।