बडिमालिकाको पूजा सकेर १८ दिनपछि जुम्ला फर्कियो सरकारी टोली

बाजुराको प्रसिद्ध धार्मिकस्थल बडिमालिका पुगेर परम्परागत पूजा सम्पन्न गरेको जुम्लाको सरकारी टोली १८ दिनपछि बुधबार सदरमुकाम खलंगा फर्किएको छ। टोली फर्किएसँगै खलंगा बजारमा धार्मिक उत्सवजस्तै माहोल देखिएको थियो। नेपाली सेनाको सलामी, सुरक्षा अधिकारीको उपस्थिति, बाजागाजा, फूलमाला र अबिरसहित टोलीको भव्य स्वागत गरिएको हो।

बडिमालिकाबाट ल्याइएको डोलीलाई बाजागाजासहित खलंगा बजार परिक्रमा गराउँदै चन्दननाथ–भैरवनाथ मन्दिर हुँदै दरबार मालिका मन्दिरमा पुर्‍याएर विधिपूर्वक बुझाइएको थियो।