कीर्तिपुरमा नामिबियामाथि जितका रोचक किस्सा : फुटबलमा वर्षा झैं क्रिकेटमा के छ 'भ्यालेन्टाइन डे'को कनेक्सन?

काठमाडौं : क्रिकेट विश्वकप लिग २ अन्तर्गत कीर्तिपुरमा मंगलवार नेपालले नामिबियालाई हराउँदै त्रिकोणात्मक सिरिजमा सुखद सुरुवात गर्‍यो।

नामिबियालाई ओडिआईमा पहिलो पटक हराउँदा धेरै कीर्तिमानहरु पनि बने। इतिहासलाई सम्झिएर हसीमजाक पनि भयो। इतिहास अर्थात पाँच वर्षअगाडिको आजैको दिन। फेब्रुअरी १४- भ्यालेन्टाइन डे। डिभिजन २ को क्यानडाविरुद्धको खेलमा करण केसीले अविश्वसनीय पारि खेल्दै नेपाललाई एकदिवसीय मान्यता दिलाउन अहम् भूमिका खेलेका थिए। त्यसैले त क्रिकेट समर्थकहरु करणलाई 'भ्यालेन्टाइन ब्वाइ' भन्न रुचाउँछन्।