सुकुम्बासी समस्या समाधानका लागि साझा राष्ट्रिय दृष्टिकोण बनाउन कांग्रेसको प्रस्ताव

काठमाडौं । नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले भूमिहीन सुकुम्बासी र अव्यवस्थित बसोबासीको समस्या समाधानका लागि साझा राष्ट्रिय दृष्टिकोण निर्माण गर्न संसदमा सार्वजनिक महत्त्वको प्रस्ताव अघि बढाउन आग्रह गरेको छ ।

उपसभापति एवं प्रतिष्ठानका प्रमुख विश्वप्रकाश शर्माको अध्यक्षतामा असार २५ र २६ गते बसेको प्रतिष्ठानको बैठकले मंगलबार निर्णय सार्वजनिक गर्दै सुकुम्बासी समस्या दीर्घकालीन रूपमा समाधान गर्न सरकार, सत्तापक्ष, प्रतिपक्ष तथा सबै राजनीतिक दलबीच साझा दृष्टि र कार्ययोजना आवश्यक रहेको निष्कर्ष निकालेको हो।